ஜெய்ஸ்வாலின் அதிரடி ஆட்டம்...புள்ளி பட்டியலில் முன்னேறி ராஜஸ்தான் மாஸ் வெற்றி

ஐபிஎல் தொடரின் 56வது லீக் போட்டியில் கொல்கத்தாவை 9 விக்கெட்டுகள் வித்தியாசத்தில் ராஜஸ்தான் வீழ்த்தியது. கொல்கத்தாவில் நடைபெற்ற போட்டியில் முதலில் பேட் செய்த கொல்கத்தா, 20 ஓவர்களில் 8 விக்கெட்டுகள் இழப்புக்கு 149 ரன்கள் எடுத்தது. ராஜஸ்தான் வீரர் யுவேந்திர சாஹல் அபாரமாக பந்துவீசி 4 விக்கெட்டுகளை சாய்த்தார். அடுத்து விளையாடிய ராஜஸ்தான், 13.1 ஓவர்களிலேயே ஒரு விக்கெட்டை மட்டும் இழந்து வெற்றி இலக்கை எட்டியது. அதிரடியாக விளையாடிய ராஜஸ்தான் வீரர் யஷஸ்வி ஜெய்ஸ்வால், 98 ரன்கள் எடுத்து ஆட்டமிழக்காமல் இருந்தார்.