"இஸ்ரேலின் செயல் அதிர்ச்சியளிக்கிறது" - உக்ரைன் அதிபர் ஜெலென்ஸ்கி

உக்ரைனுக்கு இஸ்ரேல் ஆயுதங்கள் வழங்காதது மிகுந்த அதிர்ச்சியளிப்பதாக உக்ரைன் அதிபர் ஜெலென்ஸ்கி தெரிவித்துள்ளார்.

தொடர்ந்து 7 மாதங்களாக உக்ரைன் மீது ரஷ்யா தாக்குதல் நடத்தி வரும் நிலையில், எதிர்த்தாக்குதல் நடத்த உக்ரைன், இஸ்ரேலிடம் ஆயுத உதவி கோரியிருந்தது.

அதிலும்,காசாவில் பாலஸ்தீனிய போராளிகளால் ஏவப்பட்ட ராக்கெட்டுகளை இடைமறித்து அழிக்க பயன்படுத்தப்பட்ட இஸ்ரேலின் "Iron Dome system" எனப்படும் ஆயுத அமைப்பை வழங்குமாறு ஜெலென்ஸ்கி கோரியிருந்தார்.

ஆனால் தாங்கள் கோரிய ஆயுத உதவிகளை இஸ்ரேல் வழங்க தவறியது மிகுந்த அதிர்ச்சியளிப்பதாக ஜெலென்ஸ்கி, ஏமாற்றம் தெரிவித்துள்ளார்.