திருப்பூரில் வேலை வாங்கி தருவதாக பெண்ணுக்கு பாலியல் டார்ச்சர் - வடமாநில இளைஞர்கள் 2 பேர் கைது

திருப்பூர் மாவட்டம் பல்லடம் அருகே, வேலை வாங்கித் தருவதாகக் கூறி, இளம் பெண்ணுக்கு பாலியல் தொல்லை கொடுத்ததாக வடமாநில இளைஞர்கள் இருவர் கைது செய்யப்பட்டனர். வடுகபாளையம் பகுதியில் கட்டிட வேலை செய்து வந்த ராஜஸ்தானை சேர்ந்த ஆகாஷ் பைரவா என்பவர், வேலை வாங்கித் தருவதாகக் கூறி, ஒடிசா மாநில இளம் பெண்ணுக்கு பாலியல் தொல்லை கொடுத்ததாக கூறப்படுகிறது. இது தொடர்பான புகாரின் பேரில் வழக்குப் பதிவு செய்த பல்லடம் மகளிர் போலீசார், ஆகாஷ் பைரவா, அவரது நண்பர் விரேந்தர் ஆகியோரை கைது செய்து சிறையில் அடைத்தனர்.