செப்டம்பர் மாதம் - திமுக வெளியிட்ட அதிரடி அறிவிப்பு

செப்டம்பர் மாதத்தை திராவிட மாதமாக கொண்டாட முடிவு செய்துள்ளதாக, திமுக தகவல் தொழில்நுட்ப அணியினர் தெரிவித்து உள்ளனர்.

தந்தை பெரியார் பிறந்த நாள், பேரறிஞர் அண்ணா பிறந்தநாள், திராவிட முன்னேற்றக் கழகத்தின் தொடக்க நாள் ஆகியவை செப்டம்பர் மாதத்தில் வருகின்றன.

இந்நிலையில், திராவிட இயக்கத்தின் கொள்கைகளை இன்றைய தலைமுறையினரிடம் கொண்டு சேர்ப்பதற்காக, செப்டம்பர் மாதத்தை திராவிட மாதமாக கொண்டாட உள்ளதாக, திமுக தகவல் தொழில்நுட்ப அணியினர் அறிவித்து உள்ளனர்.

இதன்படி, சமூக வலைதளங்களில் திராவிடம் குறித்த சிறு பதிவுகள், வீடியோக்கள், விரிவான கட்டுரைகள் வெளியிடப்படும் என்று திமுக தகவல் தொழில்நுட்ப அணியினர் கூறி உள்ளனர்.

ஒவ்வொரு நாளும் இரவு 8 மணிக்கு ட்விட்டர் ஸ்பேஸில் திமுகவின் மூத்த தலைவர்கள் திராவிட இயக்க சாதனைகள் பற்றி உரையாற்றுவார்கள் என்றும் அவர்கள் தெரிவித்து உள்ளனர்