"நான் ஐ.பி.எஸ். ஆக போறேன்..."நிஜ துப்பாக்கியை தொட்ட உடன்... சிறகை விரிக்கும் பள்ளி மாணவிகள்...

கோவையில் காவல் உயர் அதிகாரிகளின் மேற்பார்வையில் அரசு பள்ளி மாணவிகள் துப்பாக்கியை கையாண்டனர்.

கோவை மாவட்டம் கோவில்பாளையம் அரசு பள்ளியை சேர்ந்த 34 மாணவிகள் ப்ராஜெக்ட் பள்ளிக்கூடம் நிகழ்ச்சி வாயிலாக மைதானத்திற்கு அழைத்து வரப்பட்டனர்.

இதையடுத்து, ஆயுதப்படை வளாகத்தில், ஆயுதப்படை போலீசார் பயன்படுத்தும் துப்பாக்கிகள், லத்திகள், கலவர தடுப்பு உபகரணங்கள், பாதுகாப்பு உபகரணங்கள் உள்ளிட்டவற்றை மாணவிகள் பார்வையிட்டனர்.

மேலும் அதிரடிப்படை போலீசார் அணியும் பாதுகாப்பு ஆடைகள், ஹெல்மெட் உள்ளிட்டவற்றை பள்ளி மாணவிகள் அணிந்து மகிழ்ந்தனர்.

இதனைத்தொடர்ந்து துப்பாக்கி சுடும் மையத்திற்கு மாணவிகள் அழைத்து செல்லப்பட்டனர்.

அங்கு அவர்களுக்கு துப்பாக்கி கொடுக்கப்பட்டு எவ்வாறு குறி பார்த்து சுட வேண்டும் என்று கற்றுக் கொடுக்கப்பட்டது.