மகளிர் டி20 உலகக்கோப்பை தகுதிச்சுற்று போட்டியின் அட்டவணையை வெளியிட்டது ஐசிசி

சர்வதேச மகளிர் டி20 உலகக்கோப்பை தொடரின், தகுதிச்சுற்று போட்டிகளுக்கான அட்டவணையை ஐசிசி வெளியிட்டுள்ளது. அதன்படி செப்டம்பர் 18 முதல் 25 ஆம் தேதி வரை, ஐக்கிய அரபு அமீரகத்தில் உள்ள அபுதாபியில் நடைபெறுவதாக அறிவிக்கப்பட்டுள்ளது. குரூப் 'ஏ' பிரிவில் வங்கதேசம், அயர்லாந்து, ஸ்காட்லாந்து, அமெரிக்கா ஆகிய நாடுகள் இடம்பிடித்துள்ளன. அதேபோல குரூப் 'பி' பரிவில் தாய்லாந்து, ஜிம்பாப்வே, பப்புவா நியூ கினியா, ஐக்கிய அரபு அமீரகம் ஆகிய அணிகள் இடம்பெற்றுள்ளன. இரு பிரிவுகளிலும் முதலிடத்தை பிடிக்கும் இரண்டு அணிகள், உலகக்கோப்பை தொடருக்கு நேரடியாக தகுதி பெறும். மகளிர் டி20 உலகக்கோப்பை, அடுத்தாண்டு பிப்ரவரி மாதம், தென்னாப்பிரிக்காவில் தொடங்கவுள்ளது குறிப்பிடத்தக்கது.