ஆட்டு கொட்டகைக்கு தீ வைப்பு - 60 ஆட்டுக் குட்டிகள் கருகி உயிரிழப்பு

கன்னியாகுமரி அருகே ஆட்டு கொட்டகைக்கு தீ வைத்ததில், 60 ஆட்டுக் குட்டிகள் தீயில் கருகி உயிரிழந்தன. கன்னியாகுமரி மாவட்டம், சுசீந்திரம் அருகே சுடலையாண்டி என்பவர் 500-க்கும் மேற்பட்ட ஆடுகளை மேய்த்து வருகிறார். இவர், வயலில் கொட்டகை அமைத்து, 60 ஆட்டுக் குட்டிகளை அதில் அடைத்துவிட்டு, மற்ற ஆடுகளை மேய்ச்சலுக்கு அழைத்துச் சென்றுள்ளார். அப்போது, அடையாளம் தெரியாத நபர்கள் கொட்டகைக்கு தீ வைத்ததில், 60 ஆட்டுக் குட்டிகள் தீயில் கருகி உயிரிழந்தன. இச்சம்பவம் தொடர்பாக போலீசார் தீவிரமாக விசாரணை மேற்கொண்டு வருகின்றனர்.