நண்பர்களுடன் சேர்ந்து காதலனை தீர்த்துக்கட்டிய காதலி.. நிர்வாண புகைப்படங்களை பதிவேற்றியதால் ஆத்திரம்

பெங்களூருவில் நிர்வாண புகைப்படத்தை இணையதளத்தில் வெளியிட்ட காதலனை நண்பர்களுடன் சேர்ந்து தீர்த்துக்கட்டிய இளம்பெண்ணை போலீசார் கைது செய்துள்ளனர்.

ஆன்லைன் டேட்டிங் ஆப் மூலமாக சென்னையை சேர்ந்த மருத்துவ பட்டதாரி விகாஷ் என்பவருக்கும், பொறியியல் பட்டதாரி பிரதீபா என்பவருக்கும் இடையே காதல் மலர்ந்தது.

பெங்களூருவில் வாடகைக்கு வீடு எடுத்து லிவிங் டூகெதர் உறவில் வாழ்ந்து வந்தனர். இவர்களின் திருமணத்திற்கு இருவீட்டாரும் சம்மதித்த நிலையில், அதற்கான ஏற்பாடுகள் தீவிரமாக நடந்து வந்தது.

இந்நிலையில், போலி சமூகவலைதள பக்கத்தில் பிரதீபாவின் நிர்வாண புகைப்படங்கள் வெளியானது தொடர்பாக, விகாஷ்-க்கும் பிரதீபாவுக்கும் இடையே மோதல் வெடித்தது.

கடந்த 10 ஆம் தேதி விகாஷை வீட்டுக்குள் அழைத்து, ஆண் நண்பர்களுடன் சேர்ந்து பிரதீபா கொடூரமாக தாக்கியுள்ளார்.

படுகாயமடைந்த விகாஷை, மாடியில் இருந்து தவறி விழுந்ததாக கூறி மருத்துவமனையில் அனுமதித்துள்ளார்.

மருத்துவமனையில் சிகிச்சை பலனின்றி கடந்த 18 ஆம் தேதி விகாஷ் உயிரிழந்தார்.

இதுகுறித்து பேகூர் போலீசார் வழக்குப்பதிவு செய்து, காதலி பிரதீபா மற்றும் அவரது நண்பர்கள் சுஷில், கௌதம் ஆகியோரை கைது செய்தனர்.

தலைமறைவான சூர்யாவை போலீசார் தேடி வருகின்றனர்.