காரில் திருடி சென்ற கும்பல்...வழியில் காத்திருந்த அதிர்ச்சி - ஒன்றுகூடிய பொதுமக்கள்

திருச்சி மாவட்டத்தில் காரில் இரும்பு பொருள்களை திருடி சென்ற கும்பலை பொதுமக்கள் விரட்டி சென்று பிடித்த சம்பவம் நடைபெற்றுள்ளது.

சிறுகனூர் அருகே பலையூரில் உள்ள ஆலை ஒன்றிலிருந்து இரும்பு பொருட்களை மர்மநபர்கள் ஆம்னி காரில் எடுத்து சென்றுள்ளனர்.

இதை கண்டு சந்தேகம் அடைந்த பொது மக்கள் காரை துரத்தி சென்றதில், வேகமாக சென்ற கார், மின் கம்பத்தின் மீது மோதி விபத்துக்குள்ளானது.

விபத்தில் கார் பலத்த சேதமடைந்த நிலையில், காரை ஓட்டி வந்த விக்னேஷ்வரன் என்பவர் படுகாயங்களுடன் போலீசில் சிக்கினார்.

விசாரணையில், விக்னேஷ்வரனுடன் சேர்ந்து மேலும் 2 பேர் திருட்டில் ஈடுபட்டிருப்பது தெரியவர, தப்பியோடிய இருவரை போலீசார் தேடி வருகின்றனர்.