"நீயா நானா-னு பாத்துருவோம்" சிறைக்குள் காட்டுத்தனமாய் சண்டை போட்ட வெளிநாட்டு பெண்கள்

சென்னை புழல் மத்திய பெண்கள் சிறையில் 200-க்கும் மேற்பட்ட கைதிகள் அடைக்கப்பட்டுள்ளனர். இதில், போதைப்பொருள் கடத்தல், சட்டவிரோத நுழைவு உள்ளிட்ட பல்வேறு வழக்குகளில் கைதான வெளிநாட்டு பெண் கைதிகளும் அடைக்கப்பட்டுள்ளனர். இந்நிலையில், சிறையில் உள்ள நைஜீரியா, தென்னாப்பிரிக்கா உள்ளிட்ட வெளிநாட்டுப் பெண்களிடையே வாக்குவாதம் முற்றி மோதல் ஏற்பட்டது. இதில், தென்னாப்பிரிக்காவை சேர்ந்த கெடிட்வாஸ் லிஸி என்பவரின் கண்ணில் பலத்த காயம் ஏற்பட்டது. சிறை பெண் காவலர்கள், இரு தரப்பினரையும் சமரசம் செய்து, காயமடைந்த லிஸியை சென்னை அரசு ஸ்டான்லி மருத்துவமனைக்கு சிகிச்சைக்காக அனுப்பி வைத்தனர். சம்பவம் குறித்து சிறை அதிகாரிகள் அளித்த புகாரின் பேரில், போலீசார் வழக்குப்பதிவு செய்து விசாரணை மேற்கொண்டு வருகின்றனர்.