உலக கோப்பைக்கு தயாரான ரசிகர்கள் – இத்தனை டிக்கெட்கள் விற்பனையா..!

உலக கோப்பைக்கு தயாரான ரசிகர்கள் – இத்தனை டிக்கெட்கள் விற்பனையா..!

கத்தார் உலகக்கோப்பை கால்பந்து தொடருக்கு, இதுவரை 24 லட்சத்து 50 ஆயிரம் டிக்கெட்டுகள் விற்பனை செய்யப்பட்டுள்ளதாக, சர்வதேச கால்பந்து கூட்டமைப்பு தெரிவித்துள்ளது. ஃபிபா நடத்தும் 22 ஆவது கால்பந்து உலகக்கோப்பை போட்டி, வரும் நவம்பர் 20 ஆம் தேதி முதல் கத்தாரில் நடைபெற உள்ளது. இதுகுறித்து அறிக்கை வெளியிட்டுள்ள ஃபிபா, இதுவரை 24 லட்சத்து 50 ஆயிரம் டிக்கெட்டுகள் விற்பனை செய்யப்பட்டுள்ளதாக தெரிவித்துள்ளது. கத்தார், அமெரிக்கா, பிரிட்டன், பிரேசில், பிரான்ஸ், ஜெர்மனி, அர்ஜென்டினா ஆகிய நாடுகளை சேர்ந்த ரசிகர்கள், அதிகளவில் டிக்கெட்டுகளை வாங்கியுள்ளதாக ஃபிபா தெரிவித்துள்ளது. மேலும் அடுத்த சுற்று டிக்கெட் விற்பனைக்கான தொடக்க தேதி, செப்டம்பர் மாதம் அறிவிக்கப்படும் எனவும் ஃபிபா தெரிவித்துள்ளது.