பயணியிடமிருந்து கட்டு கட்டாக பணம் பறிமுதல்.. பெரம்பூர் ரயில்நிலையத்தில் பரபரப்பு

பெரம்பூர் ரயில் நிலையத்தில், பயணியிடமிருந்து கணக்கில் வராத 52 லட்ச ரூபாய் பறிமுதல் செய்யப்பட்டது. சென்னை, பெரம்பூர் ரயில்வே போலீசார், நேற்று காலை 10:40 மணியளவில், ரோந்து பணியில் ஈடுபட்டிருந்தனர். அப்போது, கர்நாடகாவிலிருந்த சென்னை சென்ட்ரலுக்கு வந்த விரைவு ரயிலில் பயணித்த பயணியின் உடமைகளை சோதனை செய்ததில் முறையான ஆவணங்களின்றி 52 லட்ச ரூபாய் இருந்தது கண்டறியப்பட்டது. பணத்தை பறிமுதல் செய்த போலீசார், அவரிடம் விசாரணை நடத்தி வருகின்றனர்.