நாயை காரில் கட்டி இழுத்து சென்று துன்புறுத்தல்.. வீடியோ பரவிய நிலையில் மருத்துவர் கைது

ராஜஸ்தான் மாநிலம் ஜோத்பூரில் காரில் நாயை சங்கிலியால் கட்டி அதை ஓட்டிச் சென்ற மருத்துவர் கைது செய்யப்பட்டுள்ளார்.

பரபரப்பு நிறைந்த சாலையில் நாய் காருக்கு பின்னால் ஓட முடியாமல் உயிருக்கு ஆபத்தான நிலையில் தவித்தது.

இதனை கண்ட விலங்கு நல ஆர்வலர்கள் கோபத்தின் உச்சத்திற்கு சென்றனர். உடனடியாக அங்கு கூடிய மக்கள் அந்த நாயின் சங்கிலியை அவிழ்த்து விட்டு அதை மருத்துவமனைக்கு கொண்டு சென்றனர்.

இந்த வீடியோ சமூக வலைத்தளத்தில் பரவிய நிலையில், போலீசார் மருத்துவர் மீது வழக்கு பதிவு செய்து கைது செய்தனர்.