ஆட்டின் சடலம்.. பிரேக் போட்ட லாரி- பின்னால் வந்த காருக்கு நேர்ந்த பயங்கரம்

திருப்பத்தூரில் சாலையில் ஆடு உயிரிழந்திருப்பதை கண்டு திடீரென நிறுத்தப்பட்ட லாரி மீது பின்னால் வந்த கார் மோதி விபத்துக்குள்ளானது. நாட்றம்பள்ளி அடுத்த பெங்களூரு தேசிய நெடுஞ்சாலையில், சாலையை கடக்க முயன்றபோது ஆட்டுக்குட்டி ஒன்று கார் மோதி உயிரிழந்துள்ளது. விபத்தை ஏற்படுத்திய கார் நிற்காமல் சென்ற நிலையில், அவ்வழியே வந்த லாரி ஓட்டுநர் சாலையில் ஆடு உயிரிழந்திருப்பதை கண்டு திடீரென லாரியில் நிறுத்தியுள்ளார். அப்போது, வேகமாக பின்னால் வந்து கொண்டிருந்த கார் இதை சற்றும் எதிர்ப்பார்க்காத நிலையில், லாரியின் மோதி விபத்துக்குள்ளானது. இதில், காரில் இருந்த ஒரு குழந்தை உட்பட 3 பேர் லேசான காயத்துடன் உயிர் தப்பிய நிலையில், போலீசார் விசாரணை நடத்தி வருகின்றனர்.