டெல்லி செல்கிறார் முதல்வர்?

டெல்லி செல்கிறார் முதல்வர்?

செஸ் ஒலிம்பியாட் போட்டியில் பங்கேற்க பிரதமர் மோடிக்கு நேரில் அழைப்பு விடுப்பதற்காக முதலமைச்சர் மு.க.ஸ்டாலின் அடுத்த வாரம் டெல்லி செல்ல உள்ளதாக தகவல் வெளியாகி உள்ளது.44வது செஸ் ஒலிம்பியாட் போட்டி சென்னையை அடுத்த மாமல்லபுரத்தில் வரும் 28 ஆம் தேதி தொடங்கி ஆகஸ்ட் 10 ஆம் தேதி வரை நடைபெற உள்ளது. 187 நாடுகளை சேர்ந்த 2 ஆயிரத்திற்கும் மேற்பட்ட வீரர், வீராங்கனைகள் பங்கேற்கும் இந்த செஸ் ஒலிம்பியாட் போட்டிக்கான ஏற்பாட்டு பணிகள் முழுவீச்சில் நடைபெற்று வருகின்றன. இதனையொட்டி, வரும் 28ஆம் தேதி சென்னை நேரு உள்விளையாட்டு அரங்கில் நடைபெறும் தொடக்க நிகழ்ச்சியில் பிரதமர் மோடி பங்கேற்க உள்ளார். இதற்காக, பிரதமர் மோடிக்கு நேரில் அழைப்பு விடுக்க முதலமைச்சர் மு.க.ஸ்டாலின் டெல்லி செல்ல திட்டமிடப்பட்டுள்ளது. தற்போது, கொரோனா தொற்றால் பாதிக்கப்பட்டு முதலமைச்சர் தனிமைப்படுத்திக் கொண்ட சூழலில் தொற்று குணமடைந்து அடுத்த வார இறுதியில் முதலமைச்சர் டெல்லி செல்வார் என தகவல் வெளியாகி உள்ளது.