"நாங்க ரெடி.. நீங்க ரெடியா?" -சென்னை முக்கிய சாலைகளில் குவிந்த போலீசார் - காரணம் இது தான் | new year

இன்று இரவு, புத்தாண்டு கொண்டாட்டங்களுக்கு பொதுமக்கள் தயாராகி வரும் நிலையில், நேற்று இரவு முதல் சென்னை முழுவதும் பாதுகாப்பு தீவிரப்படுத்தப்பட்டுள்ளது. புத்தாண்டை வரவேற்கும் விதமாக இன்று இரவு பல இடங்களில் கோலாகல கலை நிகழ்ச்சிகள் நடத்தப்படவுள்ளன.

இதனிடையே, பொதுமக்களின் பாதுகாப்பை உறுதி செய்யும் வகையில் சென்னை மாநகரில் பல்வேறு கட்டுப்பாடுகள் விதிக்கப்பட்டு போலீசார் பாதுகாப்பு பணியில் ஈடுபட்டு வருகின்றனர்.

குறிப்பாக, கடந்த சில நாள்களாக இரவு நேரங்களில் முக்கிய சாலைகளின் போக்குவரத்தை மாற்றி, போலீசார் வாகன சோதனையில் ஈடுபட்டு வருகின்றனர்.

அதன்படி, வடபழனி, அசோக்நகர், கோடம்பாக்கம் உள்ளிட்ட பல்வேறு பகுதிகளில் வாகன சோதனையில் ஈடுபட்டு வருகின்றனர்.

இளைஞர்கள், பைக் ரேஸ் உள்ளிட்ட சாகசங்களில் ஈடுபடாத வண்ணம் இந்த சோதனையை போலீசார் மேற்கொண்டு வருகின்றனர்.