வேகமாக கூட்டத்திற்குள் புகுந்த கார் - பலியான 11 உயிர்கள்

குஜராத் மாநிலம் அகமதாபாத்தில், கூட்டத்தின் மீது, அதிவேகமாக வந்த சொகுசு கார் மோதிய விபத்தில் 2 காவலர்கள் உள்பட 9 பேர் உயிரிழந்தனர்.

அகமதாபாத்தில், எஸ்ஜி சாலையில் உள்ள இஸ்கான் மேம்பாலத்தின் மீது, இன்று அதிகாலை 1 மணியளவில், இரண்டு லாரிகள் ஒன்றுடன் ஒன்று மோதி விபத்துக்குள்ளானது. லாரிகளை அப்புறப்படுத்தும் பணிகளில், போலீசாருடன் இணைந்து பொதுமக்களும் ஈடுபட்டிருந்தனர். அப்போது, அந்த வழியாக அதிவேகமாக வந்த சொகுசு கார் ஒன்று, கூட்டத்தினர் மீது பயங்கரமாக மோதியது. இந்த விபத்தில், 2 காவலர்கள் உள்பட 9 பேர் உயிரிழந்தனர். 10-க்கும் மேற்பட்டோர் படுகாயங்களுடன் மீட்கப்பட்டு மருத்துவமனையில் சேர்க்கப்பட்டுள்ளனர். இந்த சம்பவம் குறித்து போலீசார் தீவிர விசாரணை மேற்கொண்டுள்ளனர்.