35 துண்டுகளாக காதலியை வெட்டி கொலை செய்த காதலன் - சிக்கிய புதிய சிசிடிவி காட்சி

நாட்டையே உலுக்கிய ஷ்ரத்தா கொலை வழக்கின் முக்கிய திருப்பமாக கொலை செய்த காதலன் கையில் பையுடன் மெஹ்ராலி வனப்பகுதிக்குள் செல்லும் சிசிடிவி வீடியோ வெளியாகியுள்ளது.

டெல்லியில் ஷ்ரத்தாவை 35 துண்டுகளாக வெட்டி கொலை செய்த சம்பவத்தில் காதலன் அப்தாப்பை கைது செய்த போலீசார் தீவிர விசாரணை நடத்தி வருகின்றனர். இந்நிலையில், மாநிலம் முழுவதும் ஏதேனும் உடல் பாகங்கள் கண்டெடுக்கப்பட்டால் உடனே அருகில் உள்ள காவல் நிலையத்தில் புகார் அளிக்கும் படி உத்தரவிடப்பட்டிருந்தது. இதனிடையே, மெஹ்ராலி வனப்பகுதியில் காதலியின் உடல் பாகங்களை வீசியதாக அப்தாப் வாக்குமூலம் அளித்திருந்தார். இதையடுத்து, போலீசார் மெஹ்ராலி வனப்பகுதிக்கு சென்று உடல் பாகங்களை தேடி வந்த நிலையில், அருகில் உள்ள சிசிடிவி காட்சியை கைப்பற்றி சோதனை செய்தனர். அப்போது, மெஹ்ராலி வனப்பகுதிக்குள் கையில் பை ஒன்றுடன் அப்தாப் சென்ற காட்சி வெளியாகி பரபரப்பை ஏற்படுத்தியுள்ளது.