ராகுல் காந்திக்கு புகழாரம் சூடிய எம்எல்ஏ.."காங்கிரஸ் திவாலாகிவிட்டது" என கடுமையாக சாடிய பாஜக எம்.பி

ராகுல் காந்திதான் நவீன இந்தியாவின் மகாத்மா காந்தி என சத்தீஸ்கர் காங்கிரஸ் எம்.எல்.ஏ அமிதேஷ் சுக்லா புகழாரம் சூட்டியுள்ளார்.

ராகுல் காந்திக்கும் மகாத்மா காந்திக்கும் நிறைய ஒற்றுமைகள் உள்ளதாக சுக்லா தெரிவித்துள்ளார்... ராகுல் காந்தி பாரத் ஜோடோ யாத்திரையை மேற்கொண்டதாகவும், காந்தி தண்டி யாத்திரையை மேற்கொண்டதாகவும் தெரிவித்த சுக்லா, ராகுலை "தேசத்தின் மகன்" என அன்போடு அழைத்தார்... மேலும் "காந்தியால் இந்தியாவின் முதல் பிரதமராகி இருக்க முடியும்...ஆனால் அவர் அவ்வாறு செய்யவில்லை" என்றும், அதேபோல் "ராகுல்காந்திக்கும் 2004, 2008ல் அந்த வாய்ப்பு கிடைத்த போதும் அதை அவர் ஏற்றுக்கொள்ளவில்லை என்றும் அமிதேஷ் சுக்லா குறிப்பிட்டார். தனது சத்திய ஆயுதத்தால் பிரிட்டிஷ் சாம்ராஜ்ஜியத்தை மகாத்மா காந்தி முடிவுக்கு கொண்டு வந்ததைப் போல, ராகுலும் அதானி விவகாரத்தில் அச்சமின்றி உண்மையை மட்டுமே எடுத்துரைப்பதாக சுக்லா தெரிவித்தார். சுக்லாவின் கருத்துகளுக்கு பதிலளித்த பாஜக எம்.பி சந்தோஷ் பாண்டே சத்தீஸ்கர் காங்கிரஸ் மனரீதியாகவும் அறிவு ரீதியாகவும் திவாலாகிவிட்டதாக சாடினார்...