நள்ளிரவில் பெண்ணின் டூவீலருக்கு தீ வைத்த பக்கத்து வீட்டுக்காரர் - பயங்கர சிசிடிவி காட்சிகள்

புதுச்சேரியில் பெண் ஒருவரின் இரு சக்கர வாகனத்திற்கு, அவரது வீட்டின் எதிரே வசிக்கும் நபர் தீ வைத்த நிலையில், அது தொடர்பான சிசிடிவி காட்சிகள் வெளியாகி பரபரப்பை ஏற்படுத்தியுள்ளது.புதுச்சேரி சுல்தான்பேட்டையைச் சேர்ந்த பீரவினாபானு தனது வீட்டின் முன் இரு சக்கர வாகனத்தை நிறுத்தி வைத்திருந்த நிலையில், இரவு திடீரென அந்த வாகனம் தீப் பிடித்து எரியத் தொடங்கியது. இதனையடுத்து, அருகில் இருந்தவர்கள் தீயை அணைக்கும் முயற்சியில் ஈடுபட்டனர். இருப்பினும், அந்த வாகனம் முற்றிலும் எரிந்து நாசமானது. இது குறித்த புகாரின் பேரில், போலீசார் அப்பகுதியில் இருந்த சிசிடிவி காட்சிகளை ஆய்வு செய்தனர். அதில், பிரவீனாவின் இரு சக்கர வாகனத்துக்கு தீ வைத்தது, அவரது வீட்டின் எதிரே வசிக்கும் பாட்ஷா என்பது தெரிய வந்தது. இதனையடுத்து, போலீசார் தலைமறவாக உள்ள பாட்ஷாவை தேடி வருகின்றனர்.