காயத்துடன் இருந்த பாகுபலி காட்டு யானை..தீவிர கண்காணிப்பில் வனத்துறையினர்

மேட்டுப்பாளையம் வனப்பகுதியில் உள்ள பாகுபலி காட்டு யானை, வாய்ப்பகுதியில் காயத்துடன் அவதிப்பட்டு வந்தது. இதுகுறித்து வனத்துறையினர், உயர் அதிகாரிகளுக்கு தகவல் தெரிவித்ததை அடுத்து, வனத்துறை அலுவலர்கள், அந்த யானையின் நடமாட்டம் குறித்து தீவிரமாக கண்காணிக்கத் தொடங்கினர். மருத்துவ குழுவினர் அந்த யானைக்கு மயக்க ஊசி செலுத்தி சிகிச்சை அளிக்க தயார் நிலையில் உள்ளனர். இந்த நிலையில் மேட்டுப்பாளையம் வனச்சரகத்திற்கு உட்பட்ட உலிக்கல் வனப்பகுதியில் அந்த யானை நடமாடுவது தெரியவந்துள்ளது. தற்போது ஆரோக்கியத்துடன் இருக்கும் அந்த யானையை வனத்துறை மற்றும் கால்நடை மருத்துவத் துறையினர் 5-ஆவது நாளாக ட்ரோன் மூலம் கண்காணித்து வருகிறார்கள்.