ஆஷஸ் 4வது டெஸ்ட் போட்டி.. 2வது இன்னிங்சில் தடுமாறும் ஆஸி. - வெற்றியை தொடருமா இங்கிலாந்து?

ஆஷஸ் 4வது டெஸ்ட் போட்டியின் 2வது இன்னிங்சில் ஆஸ்திரேலியா 4 விக்கெட்டுகளை இழந்து தடுமாறி வருகிறது. மான்செஸ்டரில் நடைபெற்றுவரும் இந்தப் போட்டியின் முதல் இன்னிங்சில் ஆஸ்திரேலியா 317 ரன்களுக்கு ஆல்-அவுட் ஆனது. இங்கிலாந்து தங்கள் முதல் இன்னிங்சில் 592 ரன்கள் குவித்தது. தொடர்ந்து 2வது இன்னிங்சை தொடங்கிய ஆஸ்திரேலியா, சீரான இடைவெளியில் விக்கெட்டுகளை இழந்தது. மார்க் உட் 3 விக்கெட்டுகளை சாய்த்த நிலையில், 3ம் நாள் ஆட்ட முடிவில் 4 விக்கெட் இழப்புக்கு 113 ரன்கள் எடுத்துள்ளது. இங்கிலாந்தை விட ஆஸ்திரேலியா 162 ரன்கள் பின்தங்கியுள்ளது.