நகைகளை பிரிப்பதில் தகராறு.. உச்சகட்ட மோதலில் நின்ற மூச்சி - நண்பனையே கொன்ற 6 பேர்.. விருதுநகரில் பரபரப்பு

விருதுநகர் மாவட்டம் திருச்சுழி அருகே, கொள்ளை சம்பவத்தில் ஈடுபட்ட வந்த நபர் கொலை செய்யப்பட்ட வழக்கில், மேலும் 3 பேரை போலீசார் கைது செய்தனர். ஆனைக்குளம் பகுதியை சேர்ந்த பகவதி, கடந்த 4ம் தேதி, மர்மநபர்களால் கொலை செய்யப்பட்டார். இந்த வழக்கில், பகவதி மனைவி அளித்த தகவலின் பேரில், பாலமுருகன் என்ற மண்டக்குமார், முகேஷ்கண்ணா, மல்ராம்ராஜ் ஆகிய 3 பேரை கைது செய்தனர்.

இந்த நிலையில், இந்த வழக்கில் தொடர்புடைய அஜித்குமார், மாயக்கண்ணன், மணிவண்ணன் என மேலும் 3 பேரை போலீசார் தற்போது கைது செய்துள்ளனர். திருட்டு நகைகளை பங்கு பிரிப்பதில் ஏற்பட்ட தகராறில், பகவதி தனது நண்பர்களால் கொலை செய்யப்பட்டது குறிப்பிடத்தக்கது.