மது அருந்த டம்ளர் கேட்டு தகராறு..அடுப்பில் இருந்த Boiler-ல் தலையை வைத்து அழுத்திய பயங்கரம்!

நெல்லையில் மது அருந்த டம்ளர் கேட்டு தகராறில் ஈடுபட்ட போதை ஆசாமி, டீ கடைக்காரை சரமாரியாக தாக்கிய சம்பவத்தின் சிசிடிவி காட்சிகள் வெளியாகி உள்ளது

நெல்லை டவுன் தொண்டர் சன்னதியில் சுப்பையா என்பவர் டீக்கடை நடத்தி வருகிறார். இவர் வழக்கம் போல், கடையை திறந்து வியாபாரத்தில் ஈடுபட்டு வந்துள்ளார். அப்போது, அதே பகுதியைச் சேர்ந்த மாரியப்பன் என்பவர், சுப்பையாவின் கடைக்கு மது பாட்டிலுடன் சென்று, மது அருந்த டம்ளர் கேட்டதாக கூறப்படுகிறது. அதற்கு சுப்பையா மறுப்பு தெரிவித்ததாக கூறப்படும் நிலையில், மாரியப்பன் டீக்கடைக்குள் புகுந்து அவரை சரமாரியாக தாக்கியுள்ளார். இச்சம்பவத்தின் சிசிடிவி காட்சிகள் வெளியாகி பரபரப்பை ஏற்படுத்தியது. இது குறித்து டீ கடைக்காரர் சுப்பையா அளித்த புகாரின் பேரில், போலீசார் வழக்குப்பதிவு செய்து விசாரணை மேற்கொண்டு வருகின்றனர்.