உலகக்கோப்பை பைனலில் பந்தை தடுத்த காலில் டாட்டூ குத்திய கோல்கீப்பர்.

அர்ஜென்டினா கால்பந்து அணியின் கோல் கீப்பர் எமிலியானோ மார்ட்டினெஸ் உலகக்கோப்பை டிசைனில் தனது காலில் டாட்டூ குத்தியுள்ளார். அர்ஜென்டினா - பிரான்ஸ் இடையே நடைபெற்ற இறுதிப் போட்டியில் கூடுதல் நேரத்தின் கடைசி நிமிடத்தில் மார்ட்டினெஸ் அற்புதமாக செயல்பட்டு கோலை தடுத்தார். ஒருவேளை அது கோலாகி இருந்தால் பிரான்ஸ் வெற்றி பெற்றிருக்கும். இந்நிலையில், அதனை எப்போதும் நினைவில் வைத்திருக்கும் விதமாக, பந்தை தான் தடுத்த இடது காலில் மார்ட்டினெஸ் டாட்டூ குத்தியுள்ளார். இது தொடர்பான புகைப்படங்களை ரசிகர்கள் பகிர்ந்து வருகின்றனர்.