அடுத்தடுத்து 4 வாகனங்கள் விபத்து...கண்ணாடியை உடைத்து மீட்கப்பட்ட பெண் - செங்கல்பட்டு NH-ல் பயங்கரம்

செங்கல்பட்டு அருகே, அடுத்தடுத்து 4 வாகனங்கள் மோதி விபத்துக்குள்ளானதால், தேசிய நெடுஞ்சாலையில் போக்குவரத்து நெரிசல் ஏற்பட்டது.செங்கல்பட்டு புறவழிச்சாலையில் வளைவில் திரும்புவதற்காக வாகனங்கள் மெதுவாக சென்று கொண்டிருந்தன. அப்போது அதிவேகமாக வந்த மணல் லாரி, முன்னால் சென்ற வேன் மீது மோதியது. இதனால் ஓட்டுனரின் கட்டுப்பாட்டை இழந்து, முன்னால் சென்ற அரசுப் பேருந்து மற்றும் கார் மீது வேன் மோதியது. இதில், வேனில் இருந்த நோயாளி உட்பட 10-க்கும் மேற்பட்டோர், காயங்களுடன் செங்கல்பட்டு அரசு மருத்துவமனைக்கு ஆம்புலன்ஸ் மூலம் அனுப்பி வைக்கப்பட்டனர். விபத்தை ஏற்படுத்திய லாரி ஓட்டுநர் அங்கிருந்து தப்பினார். தகவல் அறிந்து சம்பவ இடத்திற்கு வந்த போலீசார், விசாரணை நடத்தி வருகின்றனர். விபத்து காரணமாக சென்னை - திருச்சி தேசிய நெடுஞ்சாலையில் கடும் போக்குவரத்து நெரிசல் ஏற்பட்டுள்ளது.