தேர்வறைக்குள் 10ம் வகுப்பு மாணவிக்கு பாலியல் தொல்லை கொடுத்த ஆசிரியர்

கன்னியா குமரி மாவட்டத்தில் 10 ஆம் வகுப்பு பொதுத்தேர்வு எழுதிய மாணவிக்கு பாலியல் தொல்லை கொடுத்த ஆசிரியரை போலீசார் கைது செய்தனர். அழகியபாண்டிபுரம், அருமநல்லூர் பகுதியை சேர்ந்தவர் வேலவன். இவர் அருமனை பகுதியில் உள்ள அரசு உதவி பெறும் பள்ளியில் ஆசிரியரான நிலையில், மணலிகரை பகுதியில் உள்ள அரசு உதவி பெறும் தனியார் பள்ளியில் பொதுத்தேர்வு ஆசிரியராக நியமிக்கப்பட்டுள்ளார். அப்போது, மாணவி ஒருவரிடன் ஆசிரியர் வேலவன் அத்துமீறிய நிலையில், தேர்வு முடிந்தவுடன் மாணவி பெற்றோரிடம் புகாரளித்துள்ளார். இது குறித்து மாணவியின் பெற்றோர் அளித்த புகாரரின் அடிப்படையில் விசாரணை நடத்தி வந்த போலீசார், ஆசிரியர் வேலவனை கைது செய்துள்ளனர்.