ராணுவ வீரர் போலீசார் இடையே திடீர் சண்டை.. காவல் நிலையத்தில் பரபரப்பு

ராணுவ வீரர் போலீசார் இடையே திடீர் சண்டை.. காவல் நிலையத்தில் பரபரப்பு

கேரளா மாநிலம் கிளிக்கொல்லூர் காவல்நிலையத்தில் 4 இளைஞர்களை போதைப்பொருள் வைத்திருப்பதாக கூறி போலீசார் கைது செய்தனர்.

இந்நிலையில், இவர்களை பார்ப்பதற்காக இராணுவத்தில் பணிபுரியும் சகோதரர்களான விக்னேஷ் மற்றும் விஷ்ணு ஆகியோர் காவல்நிலையத்திற்கு வந்துள்ளனர்.

வரும் வழியில் மஃப்டியில் இருந்த காவலர் சந்திரனுடன் இவர்களுக்கு தகராறு ஏற்பட, சந்திரன் இவர்களை கன்னத்தில் அறைந்துள்ளார்.

இந்நிலையில் காவல் நிலையத்தில் காவலர் சந்திரனை கண்டதும், அவரை பற்றி எஸ்ஐ பிரகாஷிடம் ராணுவ வீரர்கள் புகாரளித்துள்ளனர்.

புகாரை ஏற்க மறுத்த பிராகாஷிற்கும், ராணுவ வீரர்களுக்கும் இடையே வாக்குவாதம் ஏற்பட்டுள்ளது,

இதில் போலீசாரும் ராணுவ வீரரும் ஒருவரை ஒருவரை தாக்கிய சிசிடிவி காட்சி வெளியாகி பரபரப்பானது.

இந்த விவகாரத்தில் போலீசார் சந்திரன், பிரகாஷ் மற்றும் சில காவலர்கள் சஸ்பெண்ட் செய்யப்பட்டனர்.