உலக செஸ் சாம்பியன் கார்ல்சனை...ஜெயித்தும் கடைசியில் ஓர் அதிர்ச்சி...

மெல்ட்வாட்டர் சாம்பியன்ஸ் செஸ் தொடரின் ஒரு பகுதியாக கிரிப்டோ கோப்பை சர்வதேச செஸ் தொடர் 7 சுற்றுகளாக நடைபெற்றது. இந்த தொடரின் கடைசி சுற்றில் நார்வேவைச் சேர்ந்த உலக சாம்பியன் கார்ல்சனுடன் தமிழக கிராண்ட்மாஸ்டர் பிரக்ஞானந்தா மோதினார். நான்கு ஆட்டங்களாக நடந்த இந்தப் போட்டி டிரா ஆன நிலையில், டை-பிரேக்கரில் கார்ல்சனை பிரக்ஞானந்தா தோற்கடித்தார். அதே சமயம் இந்த தொடரில் ஒட்டுமொத்தமாக 16 புள்ளிகள் பெற்ற கார்ல்சன், சாம்பியன் பட்டத்தை தட்டிச் சென்றார். 15 புள்ளிகளுடன் பிரக்ஞானந்தா 2வது இடம் பிடித்தார். நடப்பு ஆண்டில் மூன்றாவது முறையாக உலக சாம்பியன் கார்ல்சனை பிரக்ஞானந்தா வீழ்த்தி உள்ளார்.