பக்தர்கள் தங்கும் விடுதியில் அசைவ விருந்து..திருத்தணியில் கோயில் அதிகாரிகள் ஒரு புடி!

திருத்தணி முருகன் கோயிலுக்கு சொந்தமான பக்தர்கள் தங்கும் விடுதியில் கோயில் அதிகாரிகள் அசைவ உணவு சாப்பிடும் வீடியோ சமூக வலைதளங்களில் அதிகம் பகிரப்பட்டு வருகின்றது.

கோயிலுக்கு சொந்தமான கார்த்திகேயன் இல்லம் அறையில் கோயில் கண்காணிப்பாளர் கலைவாணன், வித்யாசாகர் ஆகிய இருவரும் சிக்கன், மீன், முட்டை என்று தடபுடலாக அசைவ உணவு சாப்பிடும் வீடியோ சமூக வலைத்தளங்களில் வேகமாக பரவி வருவதால் பக்தர்கள் அதிர்ச்சி அடைந்துள்ளனர். பக்தர்கள் தங்கும் புனிதமான அறையில் பொறுப்பெற்ற முறையில் அதிகாரிகள் அசைவ உணவு சாப்பிடுவதாக குற்றச்சாட்டுகள் எழுந்துள்ள நிலையில், சம்பந்தப்பட்ட அதிகாரிகள் மீது நடவடிக்கை எடுக்க வேண்டும் என்று கோரிக்கை விடுக்கப்பட்டுள்ளது.