வைரமுத்து எழுத பரத்வாஜ் இசைக்க மேடையில் உருவான புது பாடல்

வேளச்சேரியில் உள்ள தனியார் கல்லூரியின் கலையரங்கில், திமுக சார்பில் முன்னாள் முதலமைச்சர் கருணாநிதியின் நூற்றாண்டு விழா நடைபெற்றது. 'இன்முகத் தலைவரை பாடும் இசைபடு கவியரங்கம்' என்னும் தலைப்பில் நடைபெற்ற இந்த நிகழ்ச்சிக்கு, அமைச்சர் மா.சுப்பிரமணியன் ஏற்பாடு செய்திருந்தார். இதில், கருணாநிதியை புகழ்ந்து கவிஞர்கள் வைரமுத்து, பா.விஜய், கபிலன் மற்றும் விவேகா ஆகியோர் கவிதை எழுதி கொடுக்க, இசையமைப்பாளர் பரத்வாஜ் தலைமையிலான இசைக் குழுவினர் மேடையிலேயே பாடலை உருவாக்கி அசத்தினர்...