திடீரென வயலில் வந்து நின்ற ராணுவ ஹெலிகாப்டர் - அதிர்ந்து போன கிராமம்... என்னதான் நடந்தது..?

மத்திய பிரதேசத்தில், இந்திய ராணுவத்தின் அதிநவீன அப்பாச்சி(Apache) ஹெலிகாப்டரில் திடீரென தொழில்நுட்ப கோளாறு ஏற்பட்டதால், வயலில் தரையிறங்கியது.

உலகின் அதிநவீன போர் ஹெலிகாப்டராக கருதப்படும் அமெரிக்க தயாரிப்பு அப்பாச்சி ஹெலிகாப்டர்களை இந்திய விமானப்படை பயன்படுத்தி வருகிறது.

இந்நிலையில், மத்திய பிரதேசம் மாநிலம், பிந்த்(Bhind) பகுதியில் பறந்து கொண்டிருந்த அப்பாச்சி ஹெலிகாப்டரில் தொழில்நுட்ப கோளாறு ஏற்பட்டதாக தெரிகிறது.

இதனால், அங்குள்ள விவசாய நிலத்தில் ஹெலிகாப்டரை, விமானிகள் அவசரமாக தரையிறக்கியுள்ளனர்.

இதில் யாருக்கும் காயம் ஏதும் ஏற்படவில்லை என்றும், தொழில்நுட்ப கோளாறுக்கான காரணம் குறித்து விசாரித்து வருவதாகவும் இந்திய விமானப்படை தெரிவித்துள்ளது.