ரூ.650 கோடியில் துபாயில் ஆடம்பர பங்களா - மகனுக்கு முகேஷ் அம்பானி கொடுத்த கிப்ட்

துபாயில் பிரபலமான பாம் ஜூமைரியா தீவில் மகனுக்காக ஆடம்பர பங்களாவை முகேஷ் அம்பானி வாங்கியுள்ளார். செயற்கையாக பனைமரம் வடிவில் உருவாக்கப்பட்ட பாம் ஜுமைரியா தீவில் 650 கோடி ரூபாய் மதிப்பீட்டில் ஆடம்பர பங்களா வாங்கப்பட்டுள்ளதாக தகவல் வெளியாகியுள்ளது.10 படுக்கையறை, உட்புறம் மற்றும் வெளிப்புறம் நீச்சல் குளம் கொண்ட வீட்டை, இளைய மகன் ஆனந்த் அம்பானிக்காக வாங்கியதாக கூறப்படுகிறது. அண்மையில் இந்திய பிரபலங்களுக்கு கோல்டன் விசா வழங்கி வரும் துபாய் அரசு, அங்கு சொத்துக்கள் வாங்குவதற்காக தளர்வுகளையும் ஏற்படுத்தியுள்ளது. இதனால் மகனுக்காக சொந்தமாக பங்களாவை முகேஷ் அம்பானி வாங்கியுள்ளார். பிரிட்டிஷ் கால்பந்து வீரர் டேவிட் பெக்காம் மற்றும் பாலிவுட் நடிகர் ஷாருக் கான் வீடுகளுக்கு அருகில் அம்பானி வாங்கிய வீடு அமைந்துள்ளது.