பேத்தியுடன் சென்ற கணவன் மனைவி.. வாகனம் மோதி ஸ்பாட்டிலேயே 3பேரும் பலி - சென்னை அருகே பயங்கரம்

செங்கல்பட்டு மாவட்டம் மதுராந்தகம் அருகே இரு சக்கர வாகனம் மீது அடையாள தெரியாத வாகனம் மோதிய விபத்தில் 3 பேர் உயிரிழந்தனர்.காட்டுக்கூடலூர் பகுதியைச் சேர்ந்த சேகர், தனது மனைவி மற்றும் பேத்தியுடன் ஆலப்பாக்கம் கிராமத்தில் உள்ள உறவினர் வீட்டிற்கு வளைகாப்பு நிகழ்ச்சிக்கு சென்றுள்ளார். நிகழ்ச்சி முடிந்து மூவரும், இரு சக்கர வாகனத்தில் வீடு திரும்பி வந்து கொண்டிருந்தனர். அப்போது, மேல்மருவத்தூர் அருகே வந்தபோது, அடையாள தெரியாத வாகனம், அவர்களது இரு சக்கர வாகனம் மீது மோதி விபத்துக்குள்ளானது. இதில், 3 பேரும் சம்பவ இடத்திலேயே உயிரிழந்தனர். தகவலின் பேரில் அங்கு வந்த போலீசார் விபத்து குறித்து விசாரணை மேற்கொண்டு வருகின்றனர்...