துபாயில் இருந்து சென்னைக்கு வந்த விமானம்-கழிவறையை சோதனை செய்த அதிகாரிகளுக்கு காத்திருந்த அதிர்ச்சி

துபாயில் இருந்து கடத்தி வரப்பட்ட 89 லட்ச ரூபாய் மதிப்புள்ள தங்கத்தை சென்னை விமான நிலையத்தில் சுங்க அதிகாரிகள் பறிமுதல் செய்தனர். துபாயில் இருந்து வந்த சென்னையைச் சேர்ந்த அஸ்பக் உசேன் என்பவர், தனது உள்ளாடைக்குள் மறைத்துக் கொண்டு வந்த 1 கிலோ 249 கிராம் தங்கத்தை அதிகாரிகள் பறிமுதல் செய்தனர். அதன் மதிப்பு 55 லட்சத்து 96 ஆயிரம் ரூபாயாகும். பயணிகள் சென்ற பிறகு, விமானத்தை சோதனை செய்ததில், அங்குள்ள கழிப்பறையில் இருந்த ஒரு பார்சலில் இருந்து 33 லட்சத்து 5 ஆயிரம் ரூபாய் மதிப்புள்ள 740 கிராம் தங்கத்தை அதிகாரிகள் கைப்பற்றினார்கள்.