தாறுமாறாக பஸ்ஸை ஓட்டி பயணிகளை அலறவிட்டு - நடுவழியில் விட்டு ஓடிய குடிகார டிரைவர்

சென்னையில் இருந்து பட்டுக்கோட்டை நோக்கி வந்த தனியார் ஆம்னி பேருந்து ஓட்டுநர், மது போதையில் தாறுமாறாக பேருந்தை ஓட்டியதால் பரபரப்பு ஏற்பட்டது. பெருங்களத்தூர் பகுதி அருகே சென்று கொண்டிருந்த போது, பேருந்து கட்டுப்பாட்டை மீறி சென்றுள்ளது. இதைத் தொடர்ந்து, பேருந்தில் இருந்த பயணிகளுடன் வாக்குவாதம் ஏற்பட்டதை தொடர்ந்து, பேருந்து ஓட்டுநரும், உதவியாளரும் தப்பியோடிவிட்டனர். இந்நிலையில், பேருந்தில் பயணித்த ரவி என்ற பயணி கனரக வாகன ஓட்டுநர் என்பதால், கும்பகோணம் வரை அவரே பாதுகாப்பாக பயணிகளை அழைத்து வந்துள்ளார். இதையடுத்து, மன்னார்குடி அருகே போலீசார் பேருந்தை பறிமுதல் செய்து, தப்பியோடிய ஓட்டுநர் மற்றும் உதவியாளரை தேடி வருகின்றனர்.