அமெரிக்காவில் கடத்தப்பட்ட 4 இந்தியர்கள் கடத்தப்பட்டவரின் ட்ரக் எரிந்த நிலையில் மீட்கப்பட்டதால் பரபரப்பு.

அமெரிக்காவில் கடத்தப்பட்ட 4 இந்தியர்கள் கடத்தப்பட்டவரின் ட்ரக் எரிந்த நிலையில் மீட்கப்பட்டதால் பரபரப்பு.

அமெரிக்காவின் கலிபோர்னியா மாகாணத்தில் 8 மாத குழந்தை உட்பட 4 இந்தியர்கள் ஆயுத முனையில் கடத்தப்பட்ட நிலையில், அதில் ஒருவரது ட்ரக் எரிந்த நிலையில் மீட்கப்பட்டுள்ளதாக தகவல் வெளியாகியுள்ளது.

மெர்சிட் கவுண்டியில் உள்ள வணிக வளாகம் ஒன்றின் அருகில் இருந்து 36 வயதான ஜஸ்தீப் சிங், அவரது 27 வயது மனைவி ஜஸ்லீன் கவுர், அவர்களின் 8 மாத குழந்தை அரூஹி தேரி, மற்றும் 39 வயதான அமந்தீப் சிங் ஆகியோரை துப்பாக்கி முனையில் மர்ம நபர் ஒருவர் கடத்தியுள்ளார். இவர்களைத் தேடும் பணிகள் தீவிரப்படுத்தப்பட்ட நிலையில், காணாமல் போன அமந்தீப் சிங்கின் ட்ரக் எரிந்த நிலையில், மெர்சிட்டிற்கு வெளியே ஒரு கிராமப்புற பகுதியில் மீட்கப்பட்டுள்ளது. கடத்தல்காரர் ஆதாரங்களை அழிக்க முயன்றிருக்கலாம் என்று சந்தேகிக்கப்படும் நிலையில், காவல்துறையினர் காணாமல் போனவர்களைத் தீவிரமாகத் தேடி வருகின்றனர்.