ஒன்றரை கோடி தங்கத்தை உள்ளாடைக்குள் ஒளித்து வைத்து கடத்திய 3 பயணிகள் - அதிர்ந்த அதிகாரிகள்

வெளி நாடுகளில் இருந்து சுமார் ஒன்றை கோடி மதிப்பிலான தங்கத்தை, உள்ளாடைகளில் கடத்திய 3 பயணிகளை சுங்கதுறையினர் கைது செய்தனர்.

சென்னை மீனம்பாக்கம் பன்னாட்டு விமான நிலையத்திற்கு வெளி நாடுகளில் இருந்து தங்கம் கடத்தப்பட்டு வருவதாக சுங்கதுறையினருக்கு ரகசிய தகவல் கிடைதுள்ளது. இதனை தொடர்ந்து, இலங்கையிலிருந்து வந்த ஆண் பயணியை சோதித்த போது, உள்ளாடைக்குள் ரூ. 49 லட்சத்தி 35 ஆயிரம் மதிப்புள்ள 919 கிராம் தங்கத்தை பறிமுதல் செய்தனர்.

இதே போல், அபுதாபியிலிருந்து வந்த ஆண் பயணியிடம் இருந்து, ரூ.42 லட்சத்தி 38 ஆயிரம் மதிப்புள்ள 792 கிராம் தங்கத்தை பறிமுதல் செய்தனர்.

குவைத்திலிருந்து வந்த பெண் பயணியை சோதித்த போது, அவரது உடமைகளில் மறைத்து கொண்டு வரப்பட்ட ரூ. 43 லட்சத்தி 23 ஆயிரம் மதிப்புள்ள 805 கிராம் தங்கத்தை கைப்பற்றினார்கள்.

சுங்க இலாகா அதிகாரிகள் நடத்திய சோதனையில் 3 பேரிடம் இருந்து மொத்தம், ஒரு கோடியே 34 லட்சத்தி 96 ஆயிரம் மதிப்புள்ள 2 கிலோ 516 கிராம் தங்கத்தை பறிமுதல் செய்து மூவரையும் கைது செய்துள்ளனர்.