200க்கும் மேற்பட்ட புதிய கோள்கள் 2022ல் கண்டுபிடிப்பு

கடந்த ஆண்டில் மட்டும் 200க்கும் மேற்பட்ட புதிய கோள்கள் வானியலாளர்களால் கண்டுபிடிக்கப்பட்டுள்ளதாகத் தகவல் தெரிவிக்கப்பட்டுள்ளது.

புறக்கோள்களைக் கண்டுபிடிக்க விஞ்ஞானிகளுக்கு ஜேம்ஸ் வெப் விண்வெளி தொலைநோக்கி பேருதவியாக இருந்துள்ளது.

2022ம் ஆண்டின் துவக்கத்தில் கண்டுபிடிக்கப்பட்ட புறக்கோள்களின் எண்ணிக்கை வெறும் 5 ஆயிரமாக இருந்த நிலையில், ஆண்டின் முடிவில் அது 5 ஆயிரத்து 235ஆக அதிகரித்துள்ளது.

அவற்றில் 4 சதவீத கோள்கள் பூமி, செவ்வாயைப் போல் பாறை கிரகங்கள் ஆகும். சமீபமாக கூட நெப்டியூனைப் போன்ற புறக்கோள் ஒன்று கண்டுபிடிக்கப்பட்டது.

சமீபத்திய கண்டுபிடிப்பு ஒன்றில், 2 புறக்கோள்களில் தண்ணீர் இருக்கலாம் என வானியலாளர்கள் கண்டறிந்தது குறிப்பிடத்தக்கது.