மூட்டை தூக்கியே முதலிடம்.. 2K கிட்ஸ்களின் ரியல் ஹீரோவுக்கு பெருகும் ஆதரவு - தந்தி டிவி தாக்கம்

தந்தி டிவி செய்தி எதிரொலியாக, கோயம்பேட்டில் மூட்டை தூக்கி, படித்து வந்த கல்லூரி மாணவருக்கு பலரும் உதவ முன்வந்துள்ளனர்.

கோயம்பேட்டை சேர்ந்த வினோத் என்ற மாணவர், தனது குடும்ப சூழ்நிலை காரணமாக, இரவு முழுவதும் மூட்டை தூக்கியும், காய்கறி கடையில் வேலை செய்தும், தனது கல்லூரி படிப்பை தொடர்ந்து வந்தார்.

இவர் குறித்த செய்தி தந்தி தொலைக்காட்சியில் ஒளிபரப்பானதை அடுத்து, பலரும் அந்த மாணவருக்கு உதவ முன்வந்துள்ளனர். சி.ஏ படிக்க வேண்டும் என ஆசைப்பட்ட மாணவரின் கல்வி செலவு முழுவதையும் தாம் ஏற்று கொள்வதாக திருச்சியை சேர்ந்த கந்தசாமி அறிவித்துள்ளார். இந்நிலையில், தனது எதிர்கால கல்வி கனவு நனைவாக காரணமாக அமைந்த தந்தி டிவிக்கு மாணவர் வினோத் நன்றி தெரிவித்துள்ளார்