"உங்களுக்கு... அப்போ ராமர் பிரச்சனை... இப்போ அனுமனா..?" - காங்.,-ஐ வறுத்தெடுத்த பிரதமர் மோடி

பஜ்ரங் தள் அமைப்பை தடை செய்வோம் என்ற காங்கிரஸ் தேர்தல் அறிக்கை வெளியிட்டுள்ளதை பிரதமர் மோடி கடுமையாக விமர்சித்துள்ளார்.

கர்நாடக தேர்தலையொட்டி காங்கிரஸ் வெளியிட்டுள்ள தேர்தல் அறிக்கையில், மாநிலத்தில் காங்கிரஸ் ஆட்சியமைத்தால் பஜ்ரங் தளம் அமைப்புக்கு தடை விதிக்கப்படும் என்றது. இதனை ஹோஸ்பேட்டில் பிரசாரக்கூட்டத்தில் விமர்சித்து பேசிய பிரதமர் மோடி, காங்கிரசுக்கு முன்பு ராமர் பிரச்சினையாக இருந்தார், இப்போது அனுமனை பிரச்சினையாக்கி தேர்தல் அறிக்கையில் அடைத்து, பஜ்ரங் தளம் அமைப்புக்கு தடை விதித்துள்ளது என்றார். அனுமனின் பூமியின் தான் காலடி எடுத்து வைத்திருக்கும் வேளையில்தான் காங்கிரஸ் இப்படியொரு அறிவிப்பை வெளியிட்டிருப்பதாக குறிப்பிட்ட பிரதமர் மோடி, காங்கிரசுக்கு இப்போது ஜெய் பஜ்ரங்பலி என்று சொல்வோர் பிரச்சினையாக தெரிகிறார்கள் என விமர்சனம் செய்தார். காங்கிரஸ் கொடுக்கும் வாக்குறுதிகள் எல்லாம் வாரண்டி இல்லாதவர்கள் கொடுக்கும் கேரண்டி என கேலி செய்தவர், காங்கிரஸ் வாக்குறுதிகள் எல்லாம் பொய் மட்டுமே என விமர்சனம் செய்தார்.