"இனி ரேஷன் கடைகளில் கருவிழி மூலம் பொருட்கள் வாங்கலாம்" - விரைவில் வரப்போகும் அதிரடி மாற்றம்

தமிழகம் முழுவதும் 35 ஆயிரம் ரேஷன் கடைகளில், விரைவில் கண்கருவிழி மூலம் ரேஷன் பொருட்கள் பெறும் முறை பயன்பாட்டுக்கு வரும் என அமைச்சர் சக்கரபாணி தெரிவித்துள்ளார்.
நாமக்கல் மாவட்டம் கொல்லிமலையில் 2 செயல்முறை கிடங்கு கட்டுவதற்கு காணொலி காட்சி மூலம் முதலமைச்சர் ஸ்டாலின் அடிக்கல் நாட்டினார்.
நாமக்கல்லில் இந்த நிகழ்ச்சியில் பங்கேற்ற அமைச்சர் சக்கரபாணி செய்தியாளர்களை சந்தித்த போது, நெல் மூட்டைகள் மழையால் நனையாமல் இருக்க 238 கோடி ரூபாய் மதிப்பீட்டில் 2 லட்சத்து 86 ஆயிரத்து 350 மெட்ரிக் டன் கொள்ளளவு கொண்ட சேமிப்பு கிடங்கு அமைக்கப்பட உள்ளதாக தெரிவித்தார்.