கருணாநிதி நினைவிடத்தில் ரூ.80 லட்சத்தில் அருங்காட்சியகம் -மாநில கடலோர மண்டல மேலாண்மை ஆணையம் அனுமதி

சென்னை, மெரினா கடற்கரையில் அமைக்கப்பட்டு வரும் முன்னாள் முதலமைச்சர் கருணாநிதி நினைவிட வளாகத்தில், 80 லட்சம் ரூபாய் மதிப்பில் அருங்காட்சியகம் அமைக்க, மாநில கடலோர மண்டல மேலாண்மை ஆணையம் அனுமதியளித்துள்ளது.

முன்னாள் முதல்வர் கருணாநிதியின் உடல் அடக்கம் செய்யப்பட்டுள்ள இடத்தில், 39 கோடி ரூபாயில் நினைவிடம் அமைப்பது தொடர்பான அறிவிப்பை முதலமைச்சர் ஸ்டாலின் வெளியிட்டு, அதற்கான பணிகள் முழு வீச்சில் நடைபெற்று வருகின்றன.

இந்நிலையில், அருங்காட்சியகம் அமைப்பதற்கான திட்டம் ஒப்புதலுக்கு அனுப்பப்பட்ட நிலையில், அதற்கான ஒப்புதல் வழங்கப்பட்டுள்ளது.