முதல் போட்டியில் அதிர்ச்சி தோல்வி - 2ம் போட்டியில் நடப்பு சாம்பியன் மீண்டெழுமா?

டி20 உலகக்கோப்பை தொடரின் சூப்பர்-12 சுற்றில், நடப்பு சாம்பியன் ஆஸ்திரேலியா இன்று இலங்கையுடன் மோதுகிறது. இந்திய நேரப்படி மாலை 4.30 மணிக்கு பெர்த் நகரில் இந்தப் போட்டி தொடங்குகிறது. நடப்பு சாம்பியன் ஆஸ்திரேலியா, நியூசிலாந்திடம் முந்தைய போட்டியில் படுதோல்வி அடைந்தது. இதனால் இன்றையப் போட்டியில் வெற்றி பெறுவது அந்த அணிக்கு அவசியமாகப் பார்க்கப்படுகிறது. அதே சமயம் நியூசிலாந்தைப்போல் இலங்கையும் ஆஸ்திரேலியாவுக்கு அதிர்ச்சி அளிக்குமா என்ற எதிர்பார்ப்பும் ரசிகர்கள் மத்தியில் எழுந்து உள்ளது.