இன்று இரவு 11.27 மணியளவில், மீன ராசியில் இருந்து மேஷ ராசிக்கு குருப்பெயர்ச்சி நிகழ்வு நடைபெறுகிறது. இதை முன்னிட்டு, திருவாரூர் மாவட்டம், ஆலங்குடியில் உள்ள பிரசித்தி பெற்ற ஆபத்சகாயேஸ்வரர் கோயிலில் குருப்பெயர்ச்சிக்கான விழா நடைபெறுகிறது. இந்தக் கோயிலில், குரு பகவானுக்கு என தனி சன்னிதி உள்ளது. இதனால், இக்கோயிலில் குருப்பெயர்ச்சி விழா விமரிசையாக நடைபெறுவது வழக்கம். விழாவிற்கான ஏற்பாடுகள் ஏற்பாடுகளை கோவில் உதவி ஆணையர் மற்றும் செயல் அலுவலர் உள்ளிட்ட கோவில் பணியாளர்கள் செய்து வருகின்றனர்.