அமெரிக்கா சென்றுள்ள முதல்வர் ஸ்டாலின், ஓட்டுநர் இல்லாத காரில் பயணம் மேற்கொண்ட காட்சி வெளியாகியுள்ளது. முதலீடுகளை ஈர்ப்பதற்காக அமெரிக்கா சென்றுள்ள முதல்வர் ஸ்டாலின், அங்கு எடுக்கப்படும் வீடியோ, புகைப்படங்களை அவ்வபோது சமூக வலைத்தளங்களில் வெளியிட்டு வருகிறார். அந்த வகையில், ஓட்டுநர் இல்லாமல் இயங்கும் ஜாகுவார் கார் ஒன்றில் பயணித்ததை, வீடியோவாக வெளியிட்டுள்ளார். அந்த பதிவில், பழையவற்றோடு திருப்தி அடையாமல், புதியவற்றில் ஆர்வங்கொண்டு முயற்சித்ததால் பல அற்புதங்கள் கிடைத்துள்ளன என்ற பெரியாரின் கருத்தை முதல்வர் ஸ்டாலின் பகிர்ந்துள்ளார்.