பைக்கை திருட முயன்ற கும்பல்...வசமாக சிக்கிய கயவர்கள்...அடித்து வாயை உடைத்த பொதுமக்கள்

செங்கழு நீரோடை வீதி பகுதியிலுள்ள தனியார் நிதி நிறுவனத்தில் பணிபுரிந்து வரும் ஜெய்சங்கர் என்ற ஊழியர், பைக்கை நிறுத்தி விட்டு அலுவலகத்திற்கு சென்றுள்ளார்... பைக் நிறுத்துமிடத்தை சுற்றி சுற்றி வந்த 2 இளைஞர்கள் ஜெய்சங்கரின் இருசக்கர வாகனத்தைத் திருட முயன்றுள்ளனர்... அதே நிறுவனத்தில் பணிபுரியும் ஊழியர் ஒருவர் பைக் திருடப்படுவதைப் பார்த்து சத்தமிட்டுள்ளார்... அக்கம்பக்கத்தினர் சுதாரித்துக் கொண்டு வாகனத்தைத் திருட முயன்ற திருடனைப் பிடித்து தர்ம அடி கொடுத்தனர்... பைக் திருடனைக் கயிற்றால் கட்டிப் போட்டு விட்டு தப்பி ஓட நின்ற மற்றொரு திருடனையும் பொதுமக்கள் பிடித்து போலீசிடம் ஒப்படைத்துள்ளனர். இதனால் அப்பகுதியில் பெரும் பரபரப்பு நிலவியது.