ஓசூர் வனக்கோட்டத்தில் வன கால்நடை மருத்துவராக பணியாற்றி வந்த பிரகாஷ் திடீரென தற்கொலை செய்திருக்கிறார். இவருக்கு திருமணமாகி 6 வயதில் பெண் குழந்தை ஒன்றுள்ள நிலையில், மன அழுத்தத்தில் இருந்ததாக கூறப்படுகிறது. இந்நிலையில், நெல்லையில் மாவட்ட பதிவாளராக பணியாற்றி வரும் தன் மனைவியிடம் தற்கொலை செய்யப்போவதாக போனில் தெரிவித்து விட்டு, பிரகாஷ் தூக்கிட்டு தற்கொலை செய்து கொண்டது அதிர்ச்சியை ஏற்படுத்தி இருக்கிறது. இவர், கடந்த சில ஆண்டுகளுக்கு முன்... தாயை பிரிந்து ஓசூரில் உயிருக்கு போராடி வந்த குட்டி யானையை சிகிச்சை அளித்து காப்பாற்றியது குறிப்பிடத்தக்கது. இதற்காக பிரகாஷூக்கு தமிழக அரசு விருது வழங்கியும் கவுரவித்திருந்தது.