பைக்கில் வேகமாக வந்த இருவர்... திடீரென கத்தியை காட்டி மிரட்டல் - ஆடிப்போன மளிகை கடை ஓனர்

சிதம்பரத்தில் மளிகைக் கடைக்காரரை கத்தியை காட்டி மிரட்டிய வீடியோ சமூக வலைதளத்தில் வைரலாகி வருகிறது. சிதம்பரம் வாகிசநகர் கோவில் தெரு பகுதியில் சர்புதீன் என்பவர் மளிகைக்கடை நடத்தி வருகிறார். இவரது கடை முன்பு சில பள்ளி மாணவர்கள் நின்றுள்ளனர். அப்போது அங்கு ராகுல், க​வுசிக் ஆகிய இருவர், இருசக்கர வாகனத்தில் அதிவேகமாக வந்துள்ளனர். இதுகுறித்து சர்புதீன் கேட்டதால் ஆத்திரமடைந்த இருவரும் சர்புதீனை கத்தியை காட்டி மிரட்டியுள்ளனர். இச்சம்பவத்தில் ராகுல் தலைமறைவான நிலையில், கவுசிக்கை போலீசார் கைது செய்து விசாரணை நடத்தி வருகின்றனர். ராகுல் தொடர் குற்ற சம்பவங்களில் ஈடுபட்டு வருவது குறிப்பிடத்தக்கது.