ஒரே குடும்பத்தில் 4 பேர்.. திருப்பூரை உலுக்கிய படுகொலை.. வடமாநிலத்தவர்களுக்கு தொடர்பா?

பல்லடத்தில் ஒரே குடும்பத்தை சேர்ந்த நான்கு பேர் வெட்டிக் கொல்லப்பட்ட சம்பவத்தால் அங்கு பதற்றமான சூழல் நிலவி வருகிறது. கூடுதல் தகவல்களை செய்தியாளர் நவமணிகண்டனிடம் கேட்கலாம்....

சம்பவங்கள் நடைபெறாமல் தடுக்க நான்கு மாவட்ட போலீசார் குவிப்பு

பல்லடம் அருகே கள்ளக்கிணறு கிராமத்தில் செந்தில்குமார் மற்றும் அவரது குடும்பத்தை சேர்ந்த மோகன்,புஷ்பவதி மற்றும் ரத்தினம்மாள் ஆகிய நான்கு பேரை குடிபோதையில் இருந்த வெங்கடேசன் மற்றும் அவரது கூட்டாளிகள் இரண்டு பேரால் வெட்டிக் கொல்லப்பட்ட நிலையில் நான்கு பேரில் உடல்களும் பிரேத பரிசோதனைக்காக பல்லடம் அரசு மருத்துவமனையில் வைக்கப்பட்டுள்ளது.

பல்லடம் அரசு மருத்துவமனையில் இன்று காலை 9 மணி அளவில் பிரேத பரிசோதனை நடைபெற உள்ள நிலையில் அசம்பாவிதங்களை தடுக்க நாமக்கல், கோவை, திருப்பூர், ஈரோடு ஆகிய மாவட்டங்களில் இருந்து 700க்கும் மேற்பட்ட காவல்துறையினர் பல்லடம் அரசு மருத்துவமனை பேருந்து நிலையம் ஆகிய பகுதிகளில் குவிக்கப்பட்டுள்ளனர்.